Të enjten shi dhe borë, java e ardhshme më shumë shi dhe temperatura më të larta
Të enjten, në Kosovë pritet të ketë reshje shiu dhe bore që do të nisin nga orët e para të mëngjesit dhe pritet të jenë herë pas here më të intensifikuara.
Sipas parashikimeve më të fundit meteorologjike, java që vjen sjell me vete ndryshime të ndjeshme në kushtet atmosferike. Pas një periudhe më të paqëndrueshme, pritet që reshjet e shiut të intensifikohen në të gjithë rajonin, duke përfshirë edhe vendin tonë.
Më shumë shi, më pak borë (për tani)
Ndërsa reshjet e shiut do të jenë protagonistët e javës së ardhshme, reshjet e dëborës do të përqendrohen kryesisht në zonat malore. Megjithatë, ekspertët parashikojnë se situata mund të ndryshojë në javën e parë të dhjetorit. Masa të ftohta ajrore që pritet të depërtojnë mbi Ballkan mund të sjellin reshje dëbore edhe në zonat më të ulëta, duke ulur ndjeshëm temperaturat.
Temperaturat nisin të ngrihen
Një lajm i mirë për ata që kanë mall për ditë më të ngrohta është se temperaturat maksimale pritet të rriten gjatë javës së ardhshme. Megjithëse nuk do të kemi një ndryshim drastik, do të ndihet një lehtësim nga temperaturat e ulëta të ditëve të fundit.
