Sulmoi fizikisht gruan e tij, arrestohet suharekasi

New Born Master

Kualifikohu për KODIN 95 në Maribor-Slloveni për kategorinë C, CE, D!

Rastet e dhunës në familje janë rastet të cilat pothuajse çdo ditë raportohen në Policinë e Kosovës, të cilat poashtu, janë ndër rastet më sfiduese për institucionet e vendit.

Nga raportet e policisë, bëhet e ditur se në shumicën e rasteve viktimat fatkeqësisht janë femra, raporton SuharekaOnline.

Një rast i dhunës në familje është raportuar të shtunën në Stacionin Policor në Suharekë, ku bëhet e ditur se një person ka sulmuar fizikisht gruan (shtetase e Shqipërisë) me të cil bashkëjetonte.

Policia bën të ditur se viktima ka shprehur dëshirë që të kthehet tek familja e saj në Shqipëri, ndërsa i dyshuari me vendim të prokurorit është dërguar në mbajtje.

“Suharekë 15.07.2023 – 10:53. Është arrestuar i dyshuari mashkull kosovar për shkak se kishte ushtruar dhunë fizike ndaj viktimës femër Shqiptare shtetase e Shqipërisë me të cilën kishte qenë duke bashkëjetuar. Viktima ka shprehë dëshirë të kthehet te familja e saj në Shqipëri, kurse i dyshuari me vendim të prokurorit është dërguar në mbajtje.” thuhet në njoftimin e policisë.