Suharekë, sulmohet fizikisht nga dy persona, bëhet për spital

Kështu bënë të ditur Policia e Kosovës në raportin përmbledhës për ngjarjet e ditës së martë.

Sipas raportit bëhet e ditur se viktima mashkull kosovar është dërguar për trajtim mjekësor në Spitalin e Prizrenit, pasi që i njëjti dyshohet se është sulmuar fizikisht nga dy persona ende të paidentifikuar.

Rasti raportohet të ketë ndodhur gjatë ditës së djeshme në Suharekë, rreth orës 15:45.

Po ashtu, Policia e Kosovës bënë të ditur se rasti është nën hetime.

“Suharekë, 12.10.2021 – 15:45. Viktima mashkull kosovar është dërguar për trajtim mjekësor në Spitalin e Prizrenit, pasi që i njëjti dyshohet se është sulmuar fizikisht nga dy persona ende të paidentifikuar. Rasti nën hetime”, thuhet në raportin e PK-së.