Suharekë, gjatë 2020’s mbi 600 persona me aftësi të kufizuara kanë marrë pension nga kjo skemë
Pensionet e personave me aftësi të kufizuara – pensioni i paaftësisë së përhershme iu ofron mbështetje financiare personave të përzgjedhur në përputhje me kriteret e përcaktuara me ligjin nr. 04/L-131 sipas mjeteve të ndara për këtë qëllim nga Buxheti i Republikës së Kosovës. Pensioni i paaftësisë së përhershme iu paguhet të gjithë atyre personave që […]
Pensionet e personave me aftësi të kufizuara – pensioni i paaftësisë së përhershme iu ofron mbështetje financiare personave të përzgjedhur në përputhje me kriteret e përcaktuara me ligjin nr. 04/L-131 sipas mjeteve të ndara për këtë qëllim nga Buxheti i Republikës së Kosovës.
Pensioni i paaftësisë së përhershme iu paguhet të gjithë atyre personave që janë shtetas të Republikës së Kosovës, që posedojnë dokumentet e identifikimit dhe të cilët i kanë 18 deri 65 vjeç.
Një person do të konsiderohet me paaftësi të përhershme, nëse: ofron dëshmi se është me pa aftësi të përhershme para se të aplikojë për pension, duke siguruar të gjitha dëshmitë mjekësore. Komisioni Mjekësor vlerëson se ekziston pa aftësia e përhershme e punës te parashtruesi i kërkesës dhe vlerëson paaftësinë në kohëzgjatje për periudhën prej një, tre apo pesë vitesh. Pas skadimit të afateve të përcaktuara personi i nënshtrohet procedurës së rivlerësimit mjekësor.
Ministria apo Autoriteti përkatës mund t’i autorizojnë zyrtarët përgjegjës për inspektime të rastësishme apo sistematike të personave, të cilat marrin pensionin e paaftësisë së përhershme, me qëllim të verifikimit të fakteve të dhëna në kërkesë dhe vazhdimësisë së përzgjedhjes për shfrytëzimin e pensionit të aftësisë së kufizuar.
Shuma mujore e këtij pensioni është 75 Euro (€).
Sipas të dhënave të Agjencisë së Statistikave të Kosovës (ASK) bëhet e ditur se gjatë vitit 2020 në Komunën e Suharekës rreth 639 persona me aftësi të kufizuar kanë marrur pension në bazë të kësaj skeme të pensioneve.
Bazuar në gjendjen e muajit dhjetor 2020, në Komunën e Suharekës numri i përfituesve nga skema e pensioneve për personat me aftësi të kufizuara ishte 639. Ndërsa numri më i madh i përfituesve ishte në komunën e Prishtinës me gjithsej 1,943 apo 10,1% e numrit të përgjithshëm.
Në Suharekë numri më i vogël i personave që kanë marrë pension nga skema e pensioneve për personat me aftësi të kufizuara gjatë vitit 2020 ishte në muajin janar, ku në këtë muaj ishin vetëm 519 persona.
Muaji | Nr. i personave në Suharekë që kanë marrë pension nga skema e pensioneve për personat me aftësi të kufizuara gjatë vitit 2020 |
Janar | 519 |
Shkurt | 557 |
Mars | 555 |
Prill | 629 |
Maj | 629 |
Qershor | 626 |
Korrik | 612 |
Gusht | 619 |
Shtator | 608 |
Tetor | 629 |
Nëntor | 626 |
Dhjetor | 639 |