Muaji i ndërgjegjësimit kundër kancerit të gjirit, në QKMF-Suharekë deri tani janë kryer mbi 211 mamografi

Tetori – Muaji i Ndërgjegjësimit për Kancerin e Gjirit është një fushatë mujore që ndihmon në rritjen e vëmendjes dhe mbështetjës për ndërgjegjësimin, zbulimin dhe trajtimin e hershëm të kancerit të gjirit.

Në kuadër të këtij muaji Qendra Kryesore e Mjekësisë Familjare (QKMF) “Rexhep Kuçi” në mbështetje të grave të diagnostikuara me kancer të gjirit si dhe ofrimin e ambientit të përshtatëshëm ka renovuar hapësirat ku ofrohet ky shërbim.

Shërbimet e mamografisë ofrohen në objektin e Mjekësisë Familjare kati i dytë çdo ditë pune prej orës 08:00 deri në 14:00.

Edhe këtë vit si vitet tjera për nder të muajit rozë ofrohet Mamografia falas gjat muajit Tetor.

Përmes një postimi në rrjete sociale, QKMF e Suharekës ka bërë të ditur se në këtë muaj shumë gra, nëna, motra kanë bërë mamografi me qellim të diagnostifikimit të hershëm, parandalimit të kancerit te gjirit.

Sipas këtij njoftimi të QKMF-Suharekë, bëhet e ditur se deri më tani janë kryer mbi 211 mamografi, duke falënderuar stafin shëndetësor e në veçanti teknikët e radiologjisë.