Detaje eksluzive nga sulmi me thikë në Suharekë, dy viktimat janë vëllezër

Fabrika e Mobileve "TE NASERI"

Mobilo shtëpinë sot dhe paguaj me këste deri në 12 MUAJ.

Dy persona në Suharekë kanë mbetur të lënduar të dielën e 13 gushtit, pasi janë sulmuar me thikë nga pesë të dyshuar.

Nga Stacioni Policor në Suharekë kanë konfirmuar për SuharekaOnline se dje, gjatë ditës së dielë në Suharekë në rrugën “Abdyl Rama” rreth orës 22:05, dy persona (të njohur për redaksinë) kanë mbetur të lënduar si pasojë e një sulmi nga pesë të dyshuar të cilët janë larguar në drejtim të panjohur.

Rasti poashtu, figuron edhe në raportin 24 orësh të Policisë së Kosovës dërguar mediave, ku është bërë e ditur se si pasojë e sulmit dy viktimat kanë pranuar tretman mjekësor dhe se janë jashtë rrezikut për jetë.

SuharekaOnline nga burime të veta kupton që dy viktimat janë vëllezër dhe se të njëjtit janë pronar të një lokali (kafiteri-shisha bar).

Nga policia e cila është duke e hetuar rastin, në identifikimin dhe arrestimin e të dyshuarve nuk është bërë e ditur ende arsyeja dhe motivi i këtij sulmi.

Mirëpo, SuharekaOnline kupton se pesë të dyshuarit kanë hyrë në lokalin e viktimave të cilët i kanë sulmuar fizikisht duke i nxjerrë nga lokali i tyre, ku pastaj edhe i kanë sulmuar me thikë me ç’rast viktimave iu kanë shkaktuar lëndime trupore.