Arrestohet personi i kërkuar në Dubravë të Suharekës, dërgohet në vuajtje të dënimit

Së fundmi një person të tillë e ka arrestuar Policia e Kosovës në fshatin Dubravë të Komunës së Suharekës.

Arrestimi i personit të kërkuar, mashkull kosovar është kryer dje rreth orës 08:30 në Dubravë, arrestim ky në bazë të urdhëresës së Gjykatës.

I njëjti pas arrestimit është dërguar në vuajtje të dënimit në burgun e Prishtinës.

“Fsh. Dubravë, Suharekë 31.01.2022. Në bazë të urdhëresës së gjykatës, është arrestuar i kërkuari mashkull  kosovar dhe i njëjti është dërguar në vuajtje të dënimit në burgun e Prishtinës”, bënë të ditur policia.