76 çifte u ndanë në Suharekë gjatë vitit 2024 – Divorcet në rënie në nivel vendi

Në të gjithë Kosovën, gjatë vitit 2024 janë regjistruar 2,146 raste të shkurorëzimeve, që paraqet një ulje prej 3% krahasuar me vitin 2023, kur ishin raportuar 2,212 raste. Kjo nënkupton se në nivel kombëtar ka pasur 66 divorce më pak gjatë vitit të kaluar.

Si qëndron Suhareka në raport me komunat tjera?

Suhareka zë një vend të mesëm në këtë listë, me 76 raste, ndërkohë që komunat me numrin më të madh të shkurorëzimeve janë:

• Prizreni – 209 raste (9,7%)
• Prishtina – 165 raste (7,7%)
• Peja – 155 raste (7,2%)

Sa kanë zgjatur martesat para ndarjes në Suharekë?

Sipas ndarjes sipas kohëzgjatjes së martesës, në Suharekë:

• 25 raste ndodhën pas 5 deri në 9 vjet martesë, kategoria me përqindjen më të lartë (32,4%) edhe në nivel vendi.
• 13 raste ndodhën pas 10 deri në 14 vjet bashkëjetese.
• 11 raste pas 3 vitesh martesë.
• Ka gjithashtu raste të ndarjeve pas më shumë se 20 apo edhe 25 vjetësh martesë.