Xhiro e 35-të në Superligë – Ballkani shënon fitore ndaj Trepçës, Prishtina shpallet kampion

Xhiro e 35-të në Superligë – Ballkani shënon fitore ndaj Trepçës, Prishtina shpallet kampion
Çlirim Gashi

17.05.2021 / Sport

Gjatë ditës së djeshme janë zhvilluar pesë ndeshjet e xhiros së 35-të në Superligën e Kosovës.

Kjo javë sjelli ndeshje tejet interesante, duke filluar nga ndeshja Ballkani – Trepça ’89.

Ndeshja Ballkani – Trepça ’89 u zhvillua dje në stadiumin e qytetit në Suharekë me fillim prej orës 15:00. Golat për klubin suharekas i shënuan: Krasniqi (1), Hoxha (2) dhe Daku (1), ndërsa për Trepçën shënuan: Muja (1), Shala (1), Memaj (1).

Me këtë fitore Ballkani fiton tre pikë, kështu duke i grumbulluar gjithsej 71 pikë e pozicionuar në vendin e tretë në tabelën e Superligës.

Po ashtu gjatë ditës së djeshme u zhvillua ndeshja Gjilani – Prishtina, ku prishtinasit shënuan fitore me rezultat 2-1. Me këtë fitore Prishtina është kurorëzuar me titullin e kampionit të Superligës një javë para mbylljes së edicionit garues 2020/21.

Prishtinasit ka arritur kuotën e 78 pikëve, e cila ua siguroi pozitën e parë. Kësisoj, Prishtina e rikthen titullin e kampionit në kryeqytet pas 8 vjetësh, derisa ky është trofeu i 11-të i kampionit në historinë e këtij klubi. 

Golat e fitores për Prishtinën kundër Gjilanit i shënuan Gledi Mici nga penalltia në minutën e 15-të dhe Qëndrim Zyba, në minutën e 40-të, derisa golin e vetëm për Gjilanin e realizoi Arbër Çyrbja (53’).

Gjithashtu në këtë xhiro u zhvilluan edhe ndeshjet Drenica – Drita, ku gjilanasit shënuan fitore me rezultat 0-3, kështu duke i arkëtuar tre pikë të vlefshme, duke u pozicionuar në pozitën e dytë me gjithsej 73 pikë. Golat për Dritën i shënuan: Limani (1), Shabani (1) dhe Alidema (1).

Në këtë xhiro u zhvillua edhe ndeshja Arbëria – Llapi, ku Arbëria shënoi fitore me rezultat 3-2. Po ashtu është zhvilluar edhe ndeshja Feronikeli – Besa, ku Feronikeli shënoi fitore me rezultat 3-1, golat për Feronikelin i shënuan: Milickovic, Carioca dhe Bojku ndërsa për Besën shënoi M’Bareck.

Pas kësaj xhiroje renditja tabelare nuk ka pësuar ndonjë ndryshim: Në pozitën e parë Prishtina me 78 pikë, Drita në të dytin me 73 pikë dhe Ballkani në atë të tretin me 71 pikë.

EkipetPikët
Prishtina78
Drita73
Ballkani71
Gjilani48
Llapi42
Drenica42
Feronikeli41
Arbëria40
Trepça ’8939
Besa12
RAPORTO