Dafina Zeqiri nderohet me çmimin “Hyjnesha në Fron” për kontributin në muzikë dhe kulturë
25.12.2025
Kryetari i Komunës së Prishtinës, Përparim Rama, i ka dhuruar këngëtares së njohur Dafina Zeqiri çmimin simbolik “Hyjnesha në Fron”, si shenjë nderimi dhe mirënjohjeje për kontributin e saj të vyer në muzikë dhe kulturë.
Ky çmim synon të vlerësojë arritjet e artistëve që kanë lënë gjurmë të dukshme në skenën muzikore dhe që përfaqësojnë me sukses Kosovën në fushën e kulturës.


Pas ceremonisë së ndarjes së çmimit, do të mbahet edhe një konferencë për media, ku do të prezantohen detaje shtesë rreth këtij nderimi dhe aktiviteteve të ardhshme kulturore në kryeqytet.
Çmimi “Hyjnesha në Fron” është bërë një nga njohjet më të rëndësishme për artistët që kontribuojnë në zhvillimin dhe promovimin e kulturës në Kosovë.