Sulmuesi i Ballkanit paralajmëron Dritën: Ndaj tyre vetëm për fitore

Pas derbit me Prishtinën, Ballkani i Suharekës do të ketë punë jashtëzakonisht të vështirë edhe këtë mesjavë.

Suharekasit, si vendas takohen ndaj Dritës,.

Dy skuadrat, aktualisht gjenden në dy pozitat e para në tabelë, me Ballkanin që numëron vetëm një pikë më shumë.

Sfidën ndaj Dritës, sulmuesi i Ballkanit, Artur Magani e ka cilësuar si mjaft të vështirë.

“Do të jetë një ndeshje shumë e vështirë pasi Drita ka ekip shumë të mirë.

Ne do të t’i qasemi kësaj ndeshje maksimalisht, kështu që do të futemi vetëm për fitore”, tha Magani, për GazetaOlle.

I pyetur lidhur me rikthimin e Dakut nga lëndimi, dhe debutimin e tij te Ballkani, sulmuesi shqiptar tha: “Daku është futbollist dhe shok i mirë, më vjen mirë që është rikthyer, por ne kemi një qëllim dhe sa herë të na epet rasti do bëjmë më të mirën për Ballkanin”, përfundoi Magani.

LEXO EDHE:  Europa League/ Sot në fushë Inter e Manchester United

25 vjeçari nga Elbasani, ka shënuar tre gola këtë edicion në fanellën e Ballkanit.

Kujtojmë, për Maganin është ky edicioni i tretë në Superligën e Kosovës, pasi më parë ka luajtur edhe te Liria dhe Feronikeli.

© SuharekaOnline. Të gjitha të drejtat janë të rezervuara.