Ashtu si xhiron e kaluar edhe në këtë javë pritet që të ketë spektakël në futbollin kosovar.

Klubi futbollistik nga Suhareka dhuroi spektakël në ndeshjen ndaj Prishtinës, ku triumfoi me rezultat 2-0 si dhe SC Gjilani bëri ndeshje fantastike duke e mposhtur Feronikelin me rezultat 5-1.

Ndërsa, nga nesër rikthehet Superliga me xhiron e 30-të, ku do të zhvillohen tri ndeshje më 23 prill dhe dy të tjera të dielën e 24 prillit.

Në program nesër është paraparë që të zhvillohet ndeshja mes Ulpianës dhe Ballkanit me fillim nga ora 14:00.

Ulpiana do të presë suharekasit në stadiumin “Sami Kelemendi” në Lipjan.

Po ashtu, gjatë ditës së nesërme do të zhvillohen edhe ndeshjet si ajo mes Drita – Malisheva dhe Feronikeli ndaj Llapit.

Ndërkaq, të dielën Dukagjini do të jetë nikoqir i SC Gjilanit, ku ky takim zhvillohet me fillim prej orës 13:30 si dhe takimi mes Prishtinës dhe Drenicës që luhet nga ora 14:00.

Kujtojmë se në renditjen tableare, FC Ballkani renditet në pozitën e parë me 63 pikë, duke lënë pas Gjilanin me 55 pikë dhe Dritën me 52 pikë.

Superliga e Kosovës – Orari

E shtunë, 23 prill
Drita – Malisheva, 14:00;
Ulpiana – Ballkani, 14:00;
Feronikeli – Llapi. 14:00;

E dielë, 24 prill
Dukagjini – Gjilani, 13:30;
Prishtina – Drenica, 14:00.