Nesër sfida e tretë gjysmëfinale, Golden Eagle Ylli – Rahoveci

Nesër sfida e tretë gjysmëfinale, Golden Eagle Ylli – Rahoveci
Çlirim Gashi

29.04.2021 / Sport

Të premten (nesër) do të zhvillohen ndeshjet e treta gjysmëfinale të “Play-offit” në Superligën e Kosovës në basketboll.

Ndeshjet tashmë zhvendosen në Pejë dhe Therandë, ku gjithashtu do të zhvillohen edhe sfidat e katërta gjysmëfinale, derisa skuadra që shënon tri fitore kualifikohet në finalen e madhe.

Qendra fizioterapeutike PHYSIO CURE CLINIC sjell eksperiencën gjermane në Suharekë

Për herë të parë në Komunën e Suharekës, të premtën më 14 maj në ora 14:00 hapet qendra fizioterapeutike e specializuar në trajtimin e problemeve të aparatit lëvizës, PHYSIO CURE CLINIC...

Lexo më shumë

Përballje shumë interesante pritet ndërmjet Pejës dhe Ponte Prizrenit, ashtu siç ishin edhe takimet e fundit. Ndeshjen e parë e fitoi Peja me shifrat 92:100, ndërsa takimin e fundit e fituan prizrenasit 112:111 pas vazhdimeve me një tre pikësh nga Divine Myles në sekondat e fundit. Takimet mes tyre ishin shumë interesante, duke dhuruar lojë të bukur dhe atraktive, e kështu pritet të premten mbrëma.

1:1 është seria edhe ndërmjet Golden Eagle Yllit dhe Rahovecit, duke e bërë shumë të paqartë se kush do të kualifikohet në finale. Dy sfidat e para u zhvilluan në Rahovec, kurse sfidat e dyta do të zhvillohen në Therandë.

Takimin e parë e fituan Vreshtarët 69:66, kurse të dytin therandasit 62:70. Në vitet e fundit përballjet mes këtyre dy skuadrave kanë qenë shumë interesante dhe kështu pritet të premten dhe të dielën.

Ndeshjet e treta gjysmëfinale

E premte
17:00 Peja – Ponte Prizreni (1:1)
20:15 Golden Eagle Ylli – Rahoveci (1:1)

RAPORTO