Ilir Krasniqi dhe Lumbardh Dellova të lumtur me rezultatin dhe paraqitjen

18.11.2023 Sport

Dy yjet e Superligës së Kosovës, Lumbardh Dellova dhe Ilir Krasniqi u paraqitën në konferencën për shtyp pas ndeshjes me Zvicrën, ku u shprehën të kënaqur me barazimin që arritën ndaj Zvicrës në Bazel.

“Duhet të jemi të kënaqur, duke marrë parasysh me çfarë ekipe luajtëm, me lojtarë të top-ligave. Ndoshta mund të merrnim më shumë, por duhet të jemi të kënaqur. Jemi profesionistë të gjithë. Hyjmë çdo ndeshje për të fituar. Jemi të kënaqur me barazim. Shpresojmë ta tregojmë veten e të arrijmë sa më larg”, ka thënë Dellova i Ballkanit.

Pse të shkojmë tek mjeku kur ndihemi mirë?!

Ndërkohë, Ilir Krasniqi mes të tjerash u shpreh i lumtur për bashkëlojtarin e tij te Llapi, Muhamet Hyseni, i cili shënoi gol në debutim me fanellën e Kosovës.

“E dimë se është e vështirë dhe lojtarët e Zvicrës luajnë në top-liga. Gëzohem për të gjithë. Por këtë herë më shumë dhe shpresoj që Muhameti do ta ketë një sezon fantastik edhe me ne. Ishte ndeshje e vështirë duke ditur se kemi pasur edhe mungesa. Jemi munduar të bëjmë më të mirën tonë dhe shpresojmë të kemi rezultate të mira”, ka thënë Krasniqi.

#Ilir Krasniqi #Kombëtarja e Kosovës #Lumbardh Dellova

Sigurimi Internacional

Ofertë speciale

Kosova ngritet në pozitë rekord në FIFA, Shqipëria bie

FIFA ka publikuar ranglistën e re të ekipeve kombëtare, ku Përfaqësuesja e Kosova ka shënuar ngritje rekord, ndërsa ajo e Shqipërisë ka pasur rënie.

Në vendin e parë qëndron Argjentina, e cila ndiqet nga Franca, pastaj Anglia në vend të tretë, Belgjika në të katërtin dhe Brazili në pozitën e pestë.

I vetmi në Ballkanin Perëndimor, ISEFERI sjellë ekskluzivitetin e produkteve amerikane

Në pesëshen e dytë të ranglistës janë Holanda, Portugalia, Spanja, Itali dhe Kroacia në vendin e dhjetë.

Kosova ka kaluar nga vendi i 105-të në pozitën e 101-të, duke pasur 1202.77 pikë pas fitores ndaj Izraelit, barazimit me Zvicrën dhe humbjes nga Bjellorusia.

Shqipëria ka rënë nga pozita e 59-të në pozitën e 62-të me një total prej 1382.69 pikë.

Kosova e eliminuar sot luan ndeshjen mbyllëse për Euro 2024

Kosova sot do të zhvillojë ndeshjen me Bjellorusinë, në kuadër të kualifikimeve për Euro 2024.

Dardanët janë të pagjasë në vendin e katërt të grupit I, me 11 pikë teksa nga ky grup tashmë dihen kombëtaret e kualifikuara, Zvicra e Rumania.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Megjithatë, kosovarët do të jenë në kërkim të fitores së tretë nga dhjetë ndeshje prej këtij grupi, teksa përballen me mungesën e golashënuesit më të mirë në historinë e shkurtër të saj, Vedat Muriqit.

Shaqiri: Është marre me pa bota në çfarë stadiumi luan Kosova

Xherdan Shaqiri ka thënë se është marre me pa bota se në çfarë stadiumi luan Kosova, duke iu referuar “Fadil Vokrrit”.

Shaqiri u pyet për gjasat e Kosovës të kualifikohet në ngjarje madhore në të ardhmen.

Fjala e fundit e teknologjisë zbarkon në Fabrikën e Mobileve “TE NASERI”

“Shpresoj që një ditë Kosova të kualifikohet. Duhet me pas ambient të mirë mes vete, mes lojtarëve. Duhet me ndreq stadiumin se është marrë me pa bota atë fushë. Dhe kur të rregullohen këto gjëra të vogla, kualifikoheni”, ka thënë Shaqiri.

Ai ka shtuar se Kosova ka shumë talent dhe pret të kualifikohen shpejt.

Zvicra siguroi Evropianin pas barazimit 1:1 ndaj Kosovës.