Çerekfinalja Belgjikë-Itali, ylli italian: Ne e njohim Lukakun, por Belgjika ka shumë lojtarë të fortë
Kampionati Evropian është futur në një fazë mjaft interesante, pasi janë luajtur të gjithë ndeshjet e 1/8-ave dhe janë përcaktuar skuadrat çerek-finaliste. Belgjika arriti të kualifikohet në çerekfinale pasi mposhti Portugalinë e Cristiano Ronaldos me rezultat minimal 1-0, një ndeshje me mjaft emocione, pasi që kishte shumë raste, por portugezët ishin të pafatë. Ndërsa Italia […]
Kampionati Evropian është futur në një fazë mjaft interesante, pasi janë luajtur të gjithë ndeshjet e 1/8-ave dhe janë përcaktuar skuadrat çerek-finaliste.
Belgjika arriti të kualifikohet në çerekfinale pasi mposhti Portugalinë e Cristiano Ronaldos me rezultat minimal 1-0, një ndeshje me mjaft emocione, pasi që kishte shumë raste, por portugezët ishin të pafatë.
Ndërsa Italia u kualifikua në çerekfinale pasi mposhti Austrinë në vazhdime me rezultat 2-1.
90 minutat e rregullt të lojës përfunduan me rezultat 0-0, pasi nuk arritën të dy kombëtaret të shënonin asnjë gol. Federico Chiesa shënoi supergol në minutën e 95’ për t’i kaluar italianët në epërsi.
Matteo Pessina shënoi për 2-0 në minutën e 105’. Austriakët e ngushtuan epërsinë në minutën e 114’ me Kalajdzicin.
Ndërsa më 2 korrik me fillim prej orës 21:00 në “Allianz Arena” të Mynihut do të përballen çerekfinalistët Belgjikë-Itali.
🇧🇪🇨🇿🇩🇰🏴🇮🇹🇪🇸🇨🇭🇺🇦
— UEFA EURO 2020 (@EURO2020) June 29, 2021
😎 EURO 2020 quarter-finals set!
Who will win the 🏆?#EURO2020 pic.twitter.com/SjVkKMHQce
Ylli i Italisë, Giovanni Di Lorenzo ka thënë se italianët e dinë shumë mirë se Romelu Lukaku sa sulmues i fortë është, por ai ka shtuar se Belgjika ka edhe shumë lojtarë të mirë.
Dy ditë para ndeshjes Belgjikë-Itali, mbrojtësi anësor i Napolit, Di Lorenzo ka folur për UEFA.com, ku edhe u pyet se nëse Italia është përgatitut për t’u përballur me sulmuesin e Interit, Romelu Lukaku.
Deri tani në Kampionatin Evropian “Euro 2020” ylli belg, Lukaku ka shënuar tri gola.
“Ne e njohim mirë Lukakun sepse përballemi me të edhe në Serie A.
Ne e dimë se ai është sulmues i madh, ai e pati një sezon të mrekullueshëm në Inter”, tha Di Lorenzo.
Po ashtu ai ka shtuar se përballja me “Djajtë e Kuq” më 2 korrik do të jetë një ndeshje e fortë.
“Atë duhet ta vëzhgojmë, por Belgjika ka shumë lojtarë të fortë dhe do të jetë një ndeshje e fortë”, shtoi ai.