Ky takim që u zhvillua në stadiumin “Sami Kami Kelmendi” në Lipjan u mbyll me rezultat baras 1-1.

Nga 90 minuta zhvillim të lojës, 45 minutat e parë ishin më atraktive, pasi që të dy klubet shënuan nga një gol.

Ishte Egzon Qerimi, i cili i dërgoi vendasit në epërsi me golin e tij në minutën e 20-të.

Ndërkaq, pak para mbylljes së pjesë së parë, gjithçka u barazua kur Meriton Korenica shënoi për 1-1.

Megjithatë, klubi i udhëhequr nga Ilir Daja kishte disa raste dhe në pjesën e dytë, por në momentet e fundit nuk ishin të sakta ato tentime.

Ndryshe, me këtë barazim ndaj Ulpianës, Ballkani vazhdon të mbetet lider i Superligës me 64 pikë, ndërkaq Ulpiana me 25 pikë në vendin e nëntë.