Rreth 87% e kosovarëve nuk i besojnë njëri-tjetrit, sipas një studimi të fundit

Sondazhi i fundit tregon se vetëm 13% e qytetarëve në Kosovë besojnë se shumica e njerëzve mund të besohen, krahasuar me mesataren rajonale prej 19%. Kjo shifër është vetëm pak më e lartë se Shqipëria (11%) dhe më e ulët se Mali i Zi dhe Serbia, të cilat arrijnë 26%.

A mund t’u besohet shumicës apo nevojitet kujdes? Rreth 87% e banorëve në Kosovë mendojnë se duhet kujdes shumë i shtuar në besimin ndaj të tjerëve, pra thënë me fjalë tjera, nuk u besojnë të tjerëve.

Rajoni i Ballkanit Perëndimor paraqitet si një shoqëri me besim të ulët, ku dominon qasja e kujdesit ndaj të tjerëve.

Besimi në Grupe të Ndryshme Shoqërore

1. Familja dhe Të Njohurit: Kosova ka nivel të lartë besimi në familje (98%) dhe në të njohurit personalë (76%). Megjithatë, krahasuar me mesataren rajonale, ky nivel mbetet i ngjashëm.
2. Fqinjët: Vetëm 63% e qytetarëve të Kosovës shprehin besim ndaj fqinjëve, në krahasim me mesataren rajonale prej 65%.
3. Njerëzit e Panjohur dhe Administrata: Kosova shënon një besim të ulët ndaj personave që takohen për herë të parë (25%) dhe atyre që punojnë në administratë, por nuk njihen personalisht (46%).

Besimi Ndër-Fetar dhe Ndër-Nacional

Një aspekt me interes është besimi ndër-fetar dhe ndër-nacional. Vetëm 43% e qytetarëve të Kosovës shprehin besim ndaj personave të një feje tjetër, krahasuar me mesataren rajonale prej 53%. Ky rezultat shpjegon distancën mes komuniteteve të ndryshme fetare në Kosovë, kryesisht mes myslimanëve dhe ortodoksëve.

Besimi ndaj personave të një kombësie tjetër është gjithashtu i ulët (38%) krahasuar me mesataren rajonale prej 49%. Kjo tregon një sfidë të vazhdueshme në integrimin e pakicave dhe të huajve në shoqërinë kosovare.

Krahasimet me Studime të Mëparshme

Të dhënat e SecuriMeter 2024 tregojnë disa ndryshime në krahasim me EVS/WVS (2022). Për shembull, në Kosovë:

• Besimi ndaj fqinjëve ka rënë nga 78% (EVS/WVS) në 63% (SecuriMeter).
• Besimi ndaj personave të njohur personalisht ka mbetur i pandryshuar (76%).
• Besimi ndaj personave të një feje tjetër ka mbetur i ulët në të dyja studimet.

Pavarësisht sfidave, Kosova ka potencial për të rritur besimin shoqëror dhe të promovojë bashkëpunimin mes komuniteteve. Me masa të duhura, kjo do të kontribuonte në zhvillimin e një shoqërie më të hapur dhe të integruar.më të hapur dhe të integruar.