Policia nuk e ndal dorën, për vetëm 5 ditë shqipton mbi 8000 gjoba trafiku
Policia e Kosovës vazhdimisht është duke apeluar për kujdes të shtuar në trafik. Shumë pjesëmarrës në trafik nuk po i respektojnë rregullat, ku si shkak i tyre Policia po shqipton tiketa për kundërvajtje në trafik. Muajve të fundit Policia e Kosovës po pranon informata për kundërvajtje rrugore edhe përmes videove dhe fotografive të publikuara në […]
Foto: Ilustrim
Policia e Kosovës vazhdimisht është duke apeluar për kujdes të shtuar në trafik.
Shumë pjesëmarrës në trafik nuk po i respektojnë rregullat, ku si shkak i tyre Policia po shqipton tiketa për kundërvajtje në trafik.
Muajve të fundit Policia e Kosovës po pranon informata për kundërvajtje rrugore edhe përmes videove dhe fotografive të publikuara në mediat online si dhe nga vetë qytetarët.
Vetëm në 24 orët e fundit Policia ka shqiptuar 1,711 tiketa trafiku për pjesëmarrësit në trafik.
SuharekaOnline ka mbledhur statistika të Policisë së Kosovës për tiketat e shqiptuara për kundërvajtje rrugore nga data 13 Shtator deri më 17 Shtator.
Sipas këtyre statistikave bëhet e ditur se PK-ja për vetëm pesë ditë ka shqiptuar 8,050 tiketa trafiku.
| Data | Nr. i tiketave të trafikut të shqiptuara nga Policia e Kosovës |
| 13 Shtator | 1,379 |
| 14 Shtator | 1,847 |
| 15 Shtator | 1,543 |
| 16 Shtator | 1,570 |
| 17 Shtator | 1,711 |
| TOTAL | 8,050 |
