48 aksidente, mbi 1600 tiketa trafiku e 28 të arrestuar në 24 orët e fundit

Fatmirësisht asnjë aksident nuk ka përfunduar me fatalitet, ndërsa 15 aksidente kanë përfunduar me të lënduar dhe 33 të tjera me dëme materiale.

Gjatë kësaj periudhe kohore, Policia e Kosovës ka shqiptuar edhe 1,603 tiketa trafiku për të gjithë drejtuesit e automjeteve që kanë shkelur rregullat e trafikut.

Po ashtu, në 24 orët e fundit policia ka arrestuar 28 persona të dyshuar për vepra të ndryshme penale, ku 19 prej tyre janë dërguar në mbajtje.