Prokuroria e Shtetit ngrit 53 aktakuza në 24 orë, 7 në Prizren

Prokuroria Themelore në Prizren

Prokuroria Themelore në Prizren ka qenë veçanërisht aktive gjatë kësaj periudhe, duke ngritur 7 aktakuza ndaj 11 personave për vepra të ndryshme penale, që variojnë nga sulmi dhe dhuna në familje, deri te kontrabandimi me migrantë dhe trafikimi i drogës.

Në detaje, Prokuroria në Prizren ka kërkuar paraburgim për tre persona, përfshirë një rast të kontrabandimit me migrantë dhe dy raste të dhunës në familje dhe lëndimit të lehtë trupor.

Llojet e veprave penale

Mes veprave penale për të cilat janë ngritur aktakuza në Prizren përmendim:

• Sulmi: 3 raste
• Keqpërdorimi i besimit: 1 rast
• Lëndimi i lehtë trupor: 1 rast
• Asgjësimi apo dëmtimi i pasurisë: 2 raste
• Dhuna në familje: 1 rast
• Marrja në posedim e pasurisë së luajtshme: 1 rast
• Pengimi i personit zyrtar në kryerjen e detyrave zyrtare: 1 rast
• Blerja, posedimi, shpërndarja dhe shitja e paautorizuar e nakrotikëve, substancave psikotrope dhe analoge: 1 rast