Për 24 orë policia dënoi mbi 1 mijë e 300 drejtues të automjeteve

Mosrespektimi i rregullave në komunikacion, mospërshtatja e shpejtësisë me kushtet e rrugës në shumicën e rasteve përfundon me aksident, ku përveç dëmëve materiale shkaktohen edhe lëndime në njerëz.

Edhe gjatë ditës së hënë në Kosovë është regjistruar numër i madh i aksidenteve, raporton SuharekaOnline.

Në 24 orëshin e fundit në vendin tonë janë regjistruar gjithsej 37 aksidente, ku prej tyre 16 kanë përfunduar me persona të lënduar dhe 21 të tjera me dëme materiale.

Policia e Kosovës poashtu, ka njoftuar se ka shqiptuar 1.347 tiketa trafiku për të gjithë drejtuesit e automjeteve të cilët nuk kanë respketuar rregullat e komunikacionit.