Sulmoi fizikisht një familjare, suharekasi arrestohet dhe dërgohet në mbajtje

Rastet e dhunës në familje, në Kosovë nuk kanë të ndalur, një gjë e tillë po bëhet e ditur nga raportet e policisë, ku çdo ditë po raportohet për këto raste të cilat vazhdojnë të mbesin sfidë për institucionet e shtetit.

Nga raportet e policisë, dërguar mediave bëhet e ditur se fatkeqësisht viktimat e dhunës në familje janë kryesisht femrat.

Dje gjatë ditës së enjte rreth orës 17:00 një femër ka raportuar në Stacionin Policor në Suharekë se është sulmuar fizikisht nga një i dyshuar.

Poashtu, policia bën të ditur se i dyshuari me këtë veprim ka shkelur urdhërin mbrojtës të lëshuar nga gjykata kompetente.

Policia e Kosovës bën të ditur se me vendim të prokurorit i dyshuari është arrestuar dhe është dërguar në mbajtje.