Një kërcënim me armë, një person i zhdukur… – Krejt çfarë ndodhi brenda dy jave në Suharekë

Gjatë ditës së sotme në Komunën e Suharekës është mbajtur takimi i radhës i sigurisë lokale.

Në takimin e sigurisë lokale, ndër tjerash është biseduar edhe për aktivitetet e Policisë së Kosovës në Suharekë.

Takimin e rregullt dyjavor të Koordinimit Lokal për Siguri që u mbajt sot i kryesuar nga nënkryetarja e Komunës së Suharekës Mihrije Suka, e cila ka njoftuar rreth aktivitetet të cilat janë zhvilluar në komunë gjatë dy jave.

Nga Policia e Kosovës, është raportuar për rastet që janë raportuar në Stacionin Policor në Suharekë; aksident trafiku 7, kanosje 5, mbajtje në pronësi e armës 2, shantazh 2, lëndim aksidental 1, person i zhdukur 1, dëmtim apo heqje e paisjeve mbrojtese 1, gjetje e mjetit të pashpërthyer 1, shpërdorim i pasurisë 1, kërcenim me armë 1, dëmtim prone 1, pengim i personit zyrtar në kryerjen e detyrës zyrtare 1, shkaktim i rrezikut të përgjithshëm 1, dhunë familjare 1, vjedhje e pyllit 2, tiketa kundërvajtje 362, urdhëresa të realizuara 29, vizita në shkolla 16.