Shqiptarët e Ukrainës shprehin shqetësim për mungesën e mbështetjes nga Shqipëria dhe Kosova

Në një deklaratë të përbashkët, përfaqësues të komunitetit shqiptar në Ukrainë kanë theksuar se ndërsa shumë pakica kombëtare në vend po marrin mbështetje nga vendet e tyre të origjinës, shqiptarët po lënë pas dore.

“Është obligim moral, kombëtar dhe historik që Shqipëria dhe Kosova të na ndihmojnë të ruajmë identitetin tonë kombëtar”, thuhet në deklaratë. Shqiptarët në Ukrainë bashkëjetojnë me një numër të konsiderueshëm pakicash nacionale, të gjitha të cilat, sipas deklaratës, po përkrahen nga vendet e tyre të origjinës.

Në deklaratë përmendet edhe vizita e ish-ministrit të Jashtëm të Shqipërisë, Pandeli Majko, në Ukrainë në vitin 2018, gjatë së cilës ai u premtoi shqiptarëve të Ukrainës mbështetje të vazhdueshme. “Pandeli Majko nuk e mbajti fjalën”, thuhet në reagimin e komunitetit shqiptar.

Sipas burimeve të ndryshme, komuniteti modern i shqiptarëve të Ukrainës ka nga 5,000 deri në 10,000 njerëz, ndërsa më pak se gjysma e tyre flasin gjuhën shqipe. Përveç fshatrave në Besarabia dhe Pryazovia, shqiptarët jetojnë edhe në qytete të tilla të mëdha si Odesa, Izmail, Donetsk, Luhansk, Kiev, Kharkiv, Lviv, etj.