Kurti takon Këshilltarin për Sigurinë Kombëtare të Mbretërisë së Bashkuar në Davos

Në këtë takim u diskutua rreth zgjedhjeve parlamentare të mbajtura në fund të vitit të kaluar dhe rezultatit të tyre, si dhe për planet dhe projektet e qeverisë për mandatin e ardhshëm qeverisës.

Po ashtu, në fokus të bisedimeve ishin progresi demokratik i Kosovës, rritja ekonomike dhe çështjet e sigurisë rajonale.

Kurti theksoi se Mbretëria e Bashkuar mbetet një nga aleatet më të ngushta të Kosovës dhe një nga mbështetëset më të mëdha të popullit të saj, duke ritheksuar angazhimin për thellimin e bashkëpunimit dhe forcimin e mëtejmë të marrëdhënieve ndërshtetërore.