Ka lexuar 125 libra për një vit, 5-vjeçari shqiptar shpallet ‘Lexuesi i Vitit’ në Itali

Ky është 5-vjeçari shqiptar Mattia Mehdihoxha. Ende pa shkuar në shkollë, ai ka lexuar 125 libra dhe është vlerësuar me çmimin “Lexuesi i vitit” fundjavën e shkuar.

Mediat italiane i kanë kushtuar artikull dhe bëjnë me dije se shqiptari kishte huazuar tekstet nga biblioteka “Bartolomeo Della Fonte” dhe i kishte lexuar një për një. Biblioteka kishte ndarë shumë libra, pa e ditur se 5-vjeçari do të ishte lexuesi më i zellshëm.

Një tjetër çmim mori dhe një 13-vjeçare që kishte lexuar 95 libra si dhe një 14-vjeçare me 79 libra për një vit. Mësohet se 5 vjeçari ka lexuar mesatarisht 2 libra në javë, shifër impresionuese sidomos në kohët e sotme, ku fëmijët e moshës së tij duket se kanë më shumë interes për tabletët.