Ndeshja Llapi – Ballkani përfundon me dy gola të shënuara

Klubi futbollistik nga Suhareka, FC Ballkani sot ka zhvilluar miqësoren e fundit kontrolluese në kuadër të përgatitjeve para fillimit të stinorit pranveror në Superligën e Kosovës.

Kundërshtari i FC Ballkanit në këtë miqësore të fundit ishte FC Llapi.

Pas 90 minutash lojë, rezultati final i takimit ishte 1-1.

Kjo ndeshje për Ballkanin ka shërbyer si uvertyrë dhe test i fundit para sfidave që e presin në pranverë.

Behar Maliqi shënoi nga penalltia për epërsinë e Llapit në pjesën e dytë.

Kurse, krejt në fund rezultatin e barazoi i riu Bleon Sekiraqa.