Në veri shpërndahen fletushka se si t’i rezistojnë Policisë së Kosovës
13.02.2024
E ashtuquajtura Mbrojtja Popullore ka shpërndarë fletushka në veri të vendit, për t’i dhënë instruksione serbëve lokalë lidhur për rezistencë ndaj Policisë së Kosovës, si dhe shërbyesve civilë të cilët i ka quajtur se janë të Kurtit.
Foto: Ilustrim
Ata kanë dhënë instruksione se si duhet vepruar serbët kur shohin patrullën e policisë, si duhet vepruar kur shohin shërbyesin civil, si është më së lehti të thyhet automjeti i policisë, e gjithashtu kanë dhënë edhe udhëzim se si të bëhet një koktej molotovi.
Në këto fletushka kanë theksuar se kundërvënia është e detyruar.
“Kur policia e Kurtit e arreston serbin, detyrimisht i ndihmoni për t’u mbrojtur. Kundërshtimi fillon tani dhe vazhdon”, thuhet në fletushkën e shpërndarë në veri.
