Çmimet e derivateve për sot: 1.63€ nafta, 1.40€ benzina

24.04.2026

​Ministria e Industrisë, Ndërmarrësisë, Tregtisë dhe Inovacionit (MINT) ka publikuar listën e re të çmimeve maksimale të lejuara për shitjen e derivateve të naftës në Kosovë.

Sipas vendimit që bazohet në udhëzimin administrativ për rregullimin e çmimeve, këto tarifa do të jenë valide për datën 24 prill 2026, duke filluar nga ora 10:00.​

Për konsumatorët, çmimi i naftës (dizel) për 24 orët e ardhshme nuk mund të jetë më i lartë se 1.63 euro për litër.

Për sa i përket benzinës, tavanin maksimal ministria e ka caktuar në 1.40 euro për litër, ndërsa gasi do të tregtohet me një çmim maksimal prej 0.87 euro për litër.

Ky rregullim vjen si masë për të parandaluar lëvizjet e pakontrolluara të çmimeve në tregun vendor.​MINT ka njoftuar se inspektorët do të jenë në terren për të siguruar që të gjithë operatorët ekonomikë po i respektojnë këto kufizime.

Çdo tejkalim i çmimeve të përcaktuara konsiderohet shkelje ligjore dhe mund të ndëshkohet sipas legjislacionit në fuqi.​Në fund, ministria ka inkurajuar qytetarët që të jenë bashkëpunues në mbrojtjen e të drejtave të tyre.

Nëse hasni në pika të karburantit që aplikojnë çmime më të larta se këto të sotmet, mund të dërgoni ankesat tuaja në emailin [email protected] ose të thirrni pa pagesë në numrin 0800 11000.