Policia e Kosovës diplomon gjeneratën e 62-të
Sot është një ditë e shënuar për Policinë e Republikës së Kosovës, pasi gjenerata e 62-të e rekrutëve do të diplomojë në një ceremoni solemne. Ngjarja pritet të mbahet në Sallën e Sportit të “Pallatit të Rinisë dhe Sporteve” në Prishtinë, duke filluar nga ora 10:00.
Kjo ceremoni e rëndësishme shënon fundin e një periudhe të gjatë trajnimi dhe përkushtimi për oficerët e rinj policorë, të cilët së shpejti do t’i bashkohen radhëve të forcave të rendit për të shërbyer dhe mbrojtur qytetarët e Kosovës.
Në këtë ngjarje të rëndësishme pritet të marrin pjesë figura të larta nga institucionet vendore dhe ndërkombëtare, eprorë të lartë të Policisë së Kosovës, si dhe familjarë të shumtë të zyrtarëve policorë që do të diplomojnë. Prania e tyre dëshmon rëndësinë e kësaj dite dhe mbështetjen e gjerë për punën e palodhur të Policisë së Kosovës.
Diplomimi i kësaj gjenerate të rekonfirmon angazhimin e Policisë së Kosovës për të pasur një forcë të mirëtrajnuar dhe profesionale, e gatshme të përballet me sfidat e sigurisë dhe të garantojë rendin dhe ligjin në mbarë territorin e vendit.
