Slogani nacionalist serb në Ambasadën e Kosovës në Norvegji ngjall shqetësim

28.01.2025

Ambasada e Kosovës në Norvegji ka shprehur shqetësim të thellë pas një incidenti të cilësuar si kërcënim direkt ndaj Republikës së Kosovës.

Në hyrjen e Ambasadës në Oslo është vendosur një imazh shqetësues së bashku me një slogan nacionalist serb.

Ky veprim është vlerësuar si një shkelje e normave ndërkombëtare dhe një sulm ndaj parimeve të diplomacisë dhe respektit të ndërsjellë mes shteteve. Ambasada ka deklaruar se ky akt përbën një kërcënim ndaj sigurisë së stafit diplomatik dhe përfaqësisë së Kosovës në Norvegji.

Pavarësisht këtij incidenti, Ambasada e Kosovës ka theksuar rëndësinë e ruajtjes së parimeve diplomatike dhe të sigurisë së institucioneve ndërkombëtare. Ngjarja pritet të trajtohet në përputhje me normat e aplikueshme ndërkombëtare.

Autoritetet norvegjeze ende nuk kanë dhënë deklaratë zyrtare për këtë incident, por reagimi i palës kosovare mbetet një thirrje për veprim dhe mbështetje nga institucionet përkatëse ndërkombëtare për të garantuar sigurinë e misioneve diplomatike.