Play-Off dramatik në Superligën e Kosovës: Peja dhe Golden Eagle Ylli përballen sonte në Karagaq

Peja aktualisht udhëheq serinë 1-0, pas fitores dramatike 77-71 në Therandë më 10 prill 2025.

Ndeshja e fundit ishte mjaft e tensionuar, jo vetëm në fushë, por edhe në tribuna. “Gjatë ndeshjes së fundit të luajtur me 10.04.2025 të basketbollit në mes të KB Ylli dhe Peja ka pasur tensione në mes të ndjekësve të ekipeve, për këtë arsye delegati i FBK ka urdhëruar që të zbrazet një pjesë e sallës dhe ashtu është vepruar nga policia e cila ishte duke e siguruar mbarëvajtjen e ndeshjes. Më pas një person ka goditur një adhurues të ekipit kundërshtar dhe i ka shkaktuar lëndime.

Peja, megjithë formën jo shumë të qëndrueshme (2 fitore dhe 3 humbje në 5 ndeshjet e fundit), do të kërkojë ta përfundojë serinë në shtëpi. Ndërkohë, Golden Eagle Ylli, që ka shfaqur formë më të mirë kohëve të fundit (3 fitore në 5 ndeshjet e fundit), do të kërkojë të barazojë serinë dhe ta çojë atë në ndeshjen vendimtare.

Historiku i përballjeve këtë sezon tregon një rivalitet të ngushtë: nga katër ndeshje, të dy ekipet kanë nga dy fitore, por Peja vjen me epërsinë psikologjike pas fitores së fundit.

Të gjithë sytë janë drejt palestrës “Karagaqi”.