Apple ‘njeh territorin e Kosovës’ me sistemin e ri operativ iOS 15?

Së paku kështu thuhet nga pretendimet e disa përdoruesve të pajisjeve Apple me përditësim të softuesit të ri iOS 15, ku kanë theksuar se harta e Kosovës duket me vijë të plotë.

NEWS – Apple recognizes #Kosovo as independent country

Koha reports: https://t.co/I56suKu5ua pic.twitter.com/394c9rqqP6

— Stefan in Kosovo (@StefanInKosovo) September 21, 2021

Me azhurnimin e softuerit të ri thuhet se Kosova mund të shfaqet me territor të përkufizuar me kufij të plotë me Serbinë.

Por, sido që të jetë, kjo lloj harte e Kosovës nuk është shfaqur tek të gjithë përdoruesit e pajisjeve Apple me softuer të ri, ku disa prej tyre kanë theksuar se harta ende vazhdon të jetë ashtu si më parë, pra me vijë të ndërperë.

iOS 15, I don’t see that yet. :/ pic.twitter.com/uEWLyqyksq

— Páťa ☕️ (@patameszaros) September 21, 2021

Disa muaj më parë, kompanie më e madhe e pajisjeve teknologjike, Apple kishte bërë disa përditësime duke rregullar kështu të gjitha lokacionet në territorin e Republikës së Kosovës dhe se ato ishin të shënuara në gjuhën shqipe.

Kujtojmë se një veprim i tillë kishte ardhur pasi që kishte filluar një peticion në muajin korrik të vitit paraprak, 2020, ku u kërkua nga Apple që të tregonte në hartat e saj një Kosovë të pavarur me vijë të plotë në kufij. Ky peticion ishte përkrahur edhe nga këngëtarët e famshëm duke përfshirë Dua Lipën, Rita Orën e shumë artistë të tjerë.

Gjithashtu, nga Apple për të treguar Kosovën si vend të pavarur kanë kërkuar edhe Qeveria e Kosovës dhe ajo e Shqipërisë.