Meta së shpejti do të shfaqë prototipin e “syzeve holografike”

29.06.2024

Në një intervistë të fundit, Mark Zuckerberg ka ndarë opinionet e tij dhe planet e Meta-s për “syzet holografike AR”.

Meta së shpejti do të shfaqë prototipin e “syzeve holografike” Foto: Ilustrim

Sipas mediave të huaja, përcjell Telegrafi, qëllimi përfundimtar është një pajisje që mund të zëvendësojë plotësisht telefonin tuaj “me kokën lart dhe pa duar”, ndërkohë që siguron qasje në të gjithë informacionin që ju nevojitet.

Dhe Zuckerberg tha se ai parashikon që tre modele bazë të syzeve inteligjente të bëhen pajisje standarde për përdorim të përditshëm.

I pari është tashmë në dispozicion – syze audio dhe kamera me aftësi të integruara të AI.

Syzet inteligjente Meta Ray-Ban bëjnë pjesë në këtë kategori.

Sigurisht, më emocionueset janë syzet AR me një pamje të plotë holografike që ju lejon të ndërveproni me miqtë kudo në botë, sikur të ishin në dhomën tuaj.