Si u përgjysmua numri i punëkërkuesve në Suharekë gjatë vitit 2022!

Kosova për vite të tëra është përballur me papunësi, ku shumë qytetarë të vendit kanë hasur në probleme derisa janë punësuar.

Numri i personave të papunësuar dhe atyre që kanë kërkuar punë në Kosovë e poashtu edhe në Komunën e Suharekës, ka qenë i ndryshueshëm, shkruan SuharekaOnline.

Ndryshimet në numrin e punëkërkuesve kanë ndodhur për arsye të ndryshme ku njëra ndër to është largimi i qytetarëve nga vendi.

Një ndryshim i tillë është vërejtur edhe në Komunën e Suharekës veçanërisht gjatë vitit 2022.

Po si ka ndryshuar numri i punëkërkuesve në Komunën e Suharekës në vitin 2022?

SuharekaOnline në vazhdimësi përcjellë dhe transmeton të dhëna nga Agjencia e Statistikave të Kosovës, ku ndër tjerash publikohet edhe numri zyrtar i punëkërkuesve në Komunën e Suharekës.

Nga të dhënat që posedon redaksia numri i personave që kanë kërkuar punë në Komunën e Suharekës gjatë vitit 2022, pothuajse është përgjysmuar!

Në janar të vitit 2022 në Komunën e Suharekës numri total i personave që kanë kërkuar punë ka qenë 4.056, prej tyre 2.166 meshkuj dhe 1.890 femra. Ndërsa në muajin shkurt 2022, në Suharekë u regjistrua numri më i madh i personave që kanë kërkuar punë, në total ishin 4.113 punëkërkues, prej tyre 2.184 meshkuj dhe 1.929 femra.

Sipas të dhënave të ASK-së, muajve në vazhdim ky numër ka shënuar rënie të dukshme, nga muaji prill e deri në dhjetor të vitit paraprak numri i punëkërkuesve nuk ishte më i lart se mbi 2.600.

SuharekaOnline më poshtë do të paraqet numrin e punë kërkuesve në Komunën e Suharekës, i cili nga muaji në muaj shënoi rënie të dukshme për arsye dhe faktor të ndryshëm.