Sot u zhvillua edhe derbi i Anamoravës, por ky takim nuk sjelli fitues.

Në derbin e Anamoravës, Drita dhe Gjilani pas 90 minuta lojë i ndanë pikët duke barazuar 1-1, ndeshje kjo në kuadër të xhiros së 24-të të elitës së futbollit kosovar.

Ishin “Skifterat” të parë që kaluan në epërsi me golin e realizuar nga Shend Kelmendi në pjesën e parë të ndeshjes.

Ndërkaq, në fillim të pjesës së dytë rezultati u barazuar nga Ilir Blakçori.

Me këtë barazim, Gjilani e lëshoi mundësinë ta “rrëmbejë” liderin e Superligës, kjo pas humbjes së djeshme të klubit suharekas, Ballkani, i cili u mposht nga Malisheva.

Gjilani në drejtim të Ismet Munishit është një pikë prapa liderit FC Ballkani, skuadër kjo e udhëhequr nga trajneri Ilir Daja.

Kurse, Drita mbetet gjashtë pikë prapa liderit Portokalli.