Ndryshon renditja tabelare në Superligë, Ponte Prizreni pozicionohet në vendin e parë

Ponte Prizreni ka shënuar fitore me rezultat 117:95 (24:22, 39:30, 29:23, 25:20) ndaj Bashkimit, ndeshje e vlefshme për xhiron e 20-të në Superligën e Kosovës në basketboll.

Fillimi i ndeshjes ishte i baraspeshuar dhe kjo bëri që çereku i parë të përfundojë 24:22. Por, në periudhën e dytë, Ponte ishte më e mirë, duke pasur disa herë epërsi deri në 12 pikë, kurse pjesa e parë përfundon 63:52.

Epërsia e Prizrenit u rrit edhe më shumë në periodën e tretë, duke kontrolluar ndeshjen, kurse rezultati në semafor pas 30 minutash ishte 92:75. Në 10 minutat e fundit loja ishte paksa më e barabartë dhe Ponte Prizreni triumfon 117:95.

Te Ponte Prizreni u dalluan Divine Myles me 23 pikë, shtatë kërcime dhe tetë asistime, Landon Taliaferro me 31 pikë, Kwame Vaughn me 26 pikë e tetë asistime dhe Arti Hajdari me 20 pikë, kurse te Bashkimi u dalluan Musab Mala me 33 pikë e gjashtë kërcime, Obinne Oleka me 23 pikë e 14 kërcime dhe Milos Latkoviq me 28 pikë.

Ponte Prizreni ka 14 fitore dhe shtatë humbje, kurse Bashkimi 10 fitore dhe 11 humbje.

Pas kësaj fitoreje Ponte Prizreni pozicionohet në vendin e parë me 36 pikë duke lënë pas Rahovecin me 34 pikë dhe Golden Eagle Yllin me 33 pikë.

Më poshtë renditja tabelare në Superligën e Kosovës në basketboll:

EkipetPikët
1. Ponte Prizreni36
2. Rahoveci34
3. Golden Eagle Ylli33
4. Peja32
5. Bashkimi31
6. Trepça29
7. Sigal Prishtina28
8. Vëllaznimi27
RAPORTO