Mërgim Berisha arrin marrëveshje me Fenerbahçen

Mërgim Berisha raportohet se ka arritur një marrëveshje me Fenerbahçen dhe se sot pritet të bëhet prezantimi.

Aktualisht Berisha luan për Red Bull Salzburg dhe se forma e tij e lartë ka bërë që klubi turk të interesohet për shërbimet e tij.

Në edicionin e kaluar 23-vjeçari luajti 42 ndeshje në kampionatin e Austrisë, ku gjatë këtyre ndeshjeve të zhvilluara ka shënuar 22 gola dhe 14 asistime.

E këto statistika të shkëlqyera, ka bërë që Fenerbahce menjëherë të vihet në sulm për sigurimin e shërbimeve të Mërgim Berishës.

Një tjetër transferim i Fenerbahces do të jetë edhe Max Meyer që është pjesë e Kolnit, duke realizuar kështu një transferim të dyfishtë.