​Mancini: Më vjen keq për anglezët por ne ishim të jashtëzakonshëm

​Mancini: Më vjen keq për anglezët por ne ishim të jashtëzakonshëm
Taulant Krasniqi

12.07.2021 / Sport

Italia është kampioni i ri i Evropës në futboll.

Italia ka fituar me penallti nga Anglia. Rezultati ka qenë 3-2 në favor të italianëve.

Saka nuk është treguar i saktë në penalltinë e fundit për anglezët. Brenda kohës së rregullt  nuk ka pasur fitues.  Italia dhe Anglia kanë luajtur baraz. 

Anglia e ka gjetur golin menjëherë qysh në fillim të ndeshjes, kur Luke Shaw në minutën e dytë me një gjuajtje të bukur ka realizuar golin. Me këtë rezultat ka përfunduar edhe pjesa e parë. 

Ka qenë minuta e 67-të kur Italia e ka gjetur golin e barazimit. Leonardo Bonucci e ka barazuar rezultatin e ndeshjes në 1 – 1, pas një rrëmuje para portës angleze. Pas nëntëdhjetë minutave ndeshja ka shkuar në vazhdime. As aty nuk ka pasur gola. 

Italia e kishte fituar Evropianin vetëm një herë më parë, më 1968.

Pas fitores ka folur edhe trajneri i Italisë, Roberto Mancini.

Mancini ndjeu që Italia dominoi në finale kundër Anglisë dhe përshëndeti lojtarët duke thënë se ata ishin të jashtëzakonshëm pasi u bënë Kampionë të Evropës në Londër.

“Ishte e pamundur të mendohej për këtë, por djemtë ishin të jashtëzakonshëm,”, tha Mancini për “Sky Sport Italia”. “Nuk kam fjalë për ta, ky është një grup i mrekullueshëm.”

“Nuk ishte një lojë e lehtë dhe rrjedha e saj u duk se po komplikohej për ne, por pastaj ne e dominuam ndeshjen. Në penallti duhet të kesh pak fat dhe gjithashtu më vjen keq për anglezët.”, vazhdoi Mancini.

“Kjo skuadër është rritur shumë, mendoj se akoma mund të përmirësohemi. Ne jemi të lumtur për italianët, nuk kam fjalë për këta djem ”.

Mancini dhe ish shoku i tij i skuadrës në Sampdoria, koordinatori i ekipit Gianluca Vialli, u përqafuan edhe një herë pas triumfit në “Wembley”.

“E jona është një miqësi që shkon përtej gjithçkaje, sepse Sampdoria shkoi përtej gjithçkaje,” tha Mancini. “Sot një cikël është mbyllur, por duhet të them se djemtë tanë ishin të pabesueshëm sot.”

Themele të sigurta të së ardhmes, N.T.P.SH “HALITI”, gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin...

Lexo më shumë

Të fundit