Paralajmërohet një bashkëpunim i Dafina Zeqirit me reperin italian, Sfera
Këngëtarja e njohur, Dafina Zeqiri, që nga viti i kaluar ka qenë duke punuar në albumin e ri të titulluar “Dafinë moj”. Megjithëse lansoi disa projekte muzikore, ajo duket se në fillim të vitit 2021 do ta publikojë të plotë. Ndonëse po vazhdon punën për finalizimin e tij, së fundmi thuhet se në mesin e […]
Foto: Ilustrim
Këngëtarja e njohur, Dafina Zeqiri, që nga viti i kaluar ka qenë duke punuar në albumin e ri të titulluar “Dafinë moj”.
Megjithëse lansoi disa projekte muzikore, ajo duket se në fillim të vitit 2021 do ta publikojë të plotë.
Ndonëse po vazhdon punën për finalizimin e tij, së fundmi thuhet se në mesin e shumë këngëve do të realizojë një bashkëpunim me reperin italian, Sfera.
Kjo në bazë të një publikimi që ka bërë faqja “MTV Kosova”, e cila numëron mijëra ndjekës në Instagram.
“Nuk e keni idenë se çfarë do të na servojë Dafina Zeqiri me albumin e saj në fillim të vitit 2021, prej shumë bashkëpunimeve internacionale&vendore është verifikuar njëra që vjen me reperin super të famshëm italian, Sfera”, thuhet në postim.
Kjo është aprovuar edhe nga Dafina, e cila të njëjtin postim e ka ndarë me ndjekësit në InstaStory.
Prurja e fundit e artistes Zeqiri mbetet “Mos shko”, të cilën e solli në fund të dhjetorit në bashkëpunim me Ylli Limanin.
