Vetëm të shtunën, 92 aksidente, mbi 1200 tiketa trafiku e 11 të arrestuar

Raportet e ditëve të fundit të Policisë së Kosovës bëjnë të ditur se numri i aksidenteve në trafik ka shënuar rritje.

Të shtunën në Kosovë kanë ndodhur gjithsej 92 aksidente trafiku, ku fatmirësisht asnjë aksident nuk ka përfunduar me fatalitet, raporton SuharekaOnline.

Ndërsa, 30 aksidente kanë përfunduar me persona të lënduar dhe 62 të tjera me dëme materiale.

Gjithashtu, brenda 24 ore policia ka shqiptuar edhe 1298 tiketa trafiku për të gjithë drejtuesit e automjeteve të cilët nuk i kanë respektuar rregullat në komunikacion.

Policia e Kosovës ka njoftuar se brenda 24 ore janë arrestuar 11 persona të dyshuar për vepra të ndryshme penale, ku 8 prej tyre janë dërguar në mbajtje, ndërsa 1 në vuajtje të dënimit.