Ferizaj, dyshohet se dy djem 13-vjeçar u sulmuan seksualisht nga dy burra

Sipas raportit policor, ngjarja dyshohet të ketë ndodhur në Ferizaj, të shtunën rreth orës 17:00. Viktimat e janë të dy të mitur dhe me kombësi kosovare.

Menjëherë pas njoftimit, njësitet policore relevante kanë ndërmarrë veprime intensive për zbardhjen e rastit. Gjatë hetimeve, policia ka arritur të identifikojë njërin nga personat e dyshuar për këtë vepër penale të rëndë.

Ndërsa Sinjali ka mësuar se bëhet fjalë për dy djem 13-vjeçarë, që po dyshohet se janë sulmuar seksualisht nga dy persona, të moshës madhore, njëri prej të cilëve është identifikuar.

Rasti është denoncuar nga prindi i njërit prej të miturve, i cili ka kërkuar ndihmën e Policisë dhe ka raportuar se i biri dhe shoku i tij kanë qenë viktima të dy burrave që dyshohet se abuzuan me ta.