Ardian Ismajli, në formacionin e muajit në Serie A

Performancat e tij të shkëlqyera janë shpërblyer së fundmi me përfshirjen në formacionin e muajit të tetor-nëntorit, sipas platformës prestigjioze WhoScored.

Ismajli u vlerësua me një notë mesatare prej 7.32, duke spikatur për kontributin e tij në mbrojtje dhe stabilitetin që i ka ofruar ekipit të tij. Ky është një tjetër tregues i nivelit të lartë të lojës së tij, duke e vendosur atë mes më të mirëve në një nga kampionatet më të forta në botë.

Performanca e Ismajlit nuk ka kaluar pa u vënë re nga klubet e mëdha. Mediat italiane raportojnë se Napoli, i drejtuar nga trajneri i mirënjohur Antonio Conte, po shqyrton një transferim të mundshëm të tij gjatë merkatos së janarit. Conte e ka vlerësuar mbrojtësin shqiptar për aftësitë e tij dhe mundësinë për të përforcuar mbrojtjen e ekipit kampion të Italisë.