Rrihen mes vete disa persona në Prizren, lëndohet një person dhe arrestohet një tjetër

Disa persona janë përfshirë në një rrahje në qytetin e Prizrenit.

Policia e Kosovës ka njoftuar se një person ka pësuar lëndime trupore pasi që është sulmuar fizikisht nga disa të dyshuar, raporton SuharekaOnline.

Incidenti dyshohet të ketë ndodhur pasi që viktima kishte pasur një mosmarrëveshje me të dyshuarit.

Poashtu si pasojë e sulmit fizik viktima ka pësuar lëndime trupore, përçka edhe ka pranuar tretmanin mjekësor.

Rasti thuhet të ketë ndodhur në rrugën “Nazim Buduri” në Prizren të mërkurën rreth orës 20:00.

Policia e Kosovës në Prizren bën të ditur se lidhur me rastin është arrestuar një i dyshuari dhe i njëjti pas intervistimit me vendim të prokurorit është dërguar në mbajtje.