Suharekë, rritet numri i punonjësve të arsimit që përfitojnë nga kompensimi për punën e viteve të 90-ta
Ky publikim ofron të dhëna për numrin e përfituesve nga skema për kompensimin e punonjësve të Arsimit për vitet 90/91 deri në vitin shkollor 98/99. Pensionet për kompensimin e Arsimit për vitet 90/91 deri në vitin 98/99 – pagesa ka filluar të implementohet nga muaji janar 2020. Personi i pensionuar i cili ka punuar në […]
Ky publikim ofron të dhëna për numrin e përfituesve nga skema për kompensimin e punonjësve të Arsimit për vitet 90/91 deri në vitin shkollor 98/99.
Pensionet për kompensimin e Arsimit për vitet 90/91 deri në vitin 98/99 – pagesa ka filluar të implementohet nga muaji janar 2020.
Personi i pensionuar i cili ka punuar në arsimin shqip të Republikës së Kosovës nga viti shkollor 1990/91 deri në vitin shkollor 1998/99, gëzon një kompensim shtesë për kontributin e dhënë.
Përfituesit e kompensimit shtesë janë: Mësimdhënësit, bashkëpunëtorët profesional, drejtori dhe zëvendësdrejtori i shkollës, personeli administrativ, personeli teknik i shkollave, të punësuarit në arsimin e lartë sipas sistemit të arsimit shqip.
Ndërkaq, nga skema për kompensimin e punonjësve të Arsimit për vitet 90/91 deri në vitin shkollor 98/99 rezulton se janë 12,474 përfitues.
Ndërsa nga këto statistika bëhet e ditur se në pesë muajt e parë të vitit 2022 numri i personave që përfitojnë nga skema për kompensimin e punonjësve të Arsimit për vitet 90/91 deri në vitin shkollor 98/99 në Komunën e Suharekës ka shënuar rritje.
Në muajin e janar të vitit 2022 në Komunën e Suharekës kanë qenë 360 punonjës të arsimit që përfituan nga ky kompensim, ndërsa në muajin shkurt ka qenë 363, kurse në muajin mars ky numër është rritur në 365 punonjës të arsimit që përfituan nga kjo skemë, ndërkaq në prill numri i përfituesve u rrit në 369 dhe në maj në 371.
Muajt | Nr. i pëfituesve në Suharekë nga skema për kompensimin e punonjësve të Arsimit për vitet 90/91 deri në vitin shkollor 98/99 |
Janar 2022 | 360 |
Shkurt 2022 | 363 |
Mars 2022 | 365 |
Prill 2022 | 369 |
Maj 2022 | 371 |