Suharekë, brenda dy muajve të fundit ndodhën 16 vjedhje
Në çdo takim të sigurisë lokale që mbahet me nënkryetaren e Komunës së Suharekës, përfaqësuesve të KFOR-it dhe Policisë së Kosovës çdo herë është prezent numri i vjedhjeve, ku vetëm dy javët e fundit të muajit shkurt ndodhën dy vjedhje. Vjedhje të tilla e të shumta të cilat kanë ndodhur kohëve të fundit kanë bërë […]
Në çdo takim të sigurisë lokale që mbahet me nënkryetaren e Komunës së Suharekës, përfaqësuesve të KFOR-it dhe Policisë së Kosovës çdo herë është prezent numri i vjedhjeve, ku vetëm dy javët e fundit të muajit shkurt ndodhën dy vjedhje.
Vjedhje të tilla e të shumta të cilat kanë ndodhur kohëve të fundit kanë bërë që Policia e Kosovës të rris masat për parandalimin e këtyre veprave.
SuharekaOnline ka mbledhur statistikat e rasteve të vjedhjeve që janë raportuar gjatë periudhës Janar-Shkurt 2022 në stacionin policor në Komunën e Suharekës.
Brenda kësaj periudhe kohore në Komunën e Suharekës kanë nodhur 16 raste të vjedhjes.
Në muajin janar ndodhën 8 vjedhje, 6 prej tyre në dy javët e para dhe dy të tjera në dy javët e fundit, ndërkaq edhe në shkurt ndodhën 8 raste të vjedhjeve, 6 në dy javët e para dhe dy në dy javët e fundit.
Muaji | Nr. i vjedhjeve në Komunën e Suharekës | Dy javët e para | Dy javët e fundit |
Janar 2022 | 8 | 6 | 2 |
Shkurt 2022 | 8 | 6 | 2 |
TOTAL | 16 | 12 | 4 |