Rastet e vjedhjeve nga persona të dyshuar në vende të ndryshme, si rrugë, markete, lokale apo pompa derivatesh kohëve të fundit janë shpeshtuar.

Një rast i tentimit për vjedhje ka ndodhur në mbrëmjen e së premtës edhe në Suharekë, raporton SuharekaOnline.

Policia e Kosovës ka njoftuar se të premtën rreth orës 19:55 është arrestuar një person i dyshuar, pasi që i njëjti është kapur në flagrancë duke tentuar të kryej vjedhje në një market në rrugën “Avdyl Ramaj”.

Për rastin në fjalë policia bën të ditur se është njpoftuar prokurori, ku me vendimin e tij i dyshuari është dërguar në mbajtje.

“Rr. Avdyl Ramaj, Suharekë 03.03.2023-19:55. Është arrestuar i dyshuari mashkull kosovar pasi i njëjti është kapur në flagrancë duke tentuar të kryej një vjedhje nga një market. Me vendim të prokurorit i dyshuari është dërguar në mbajtje.” thuhet në njoftimin e policisë.

Rikujtojmë se në mëngjesin e së premtës një vjedhje e rëndë është kryer në fshatin Mohlan të Suharekës, ku sipas deklaratës së ankuesit në polici bëhet e ditur se persona të panjohur ia kanë vjedhur nga vetura pushkën e gjuetisë të cilën e kishte pasur me leje.