Mbrojtja e pyjeve nga prerësit ilegal, konfiskohen 26 metra dru në Maqitevë

Në fshatin Maqitevë të Komunës së Suharekës në dy lokacione sot gjatë ditës së martë janë konfiskuar rreth 26 metra masë drusore nga prerësit ilegal të pyjeve.

Sektori i Pylltarisë i Komunës së Suharekës në bashkëpunim me Policinë e Kosovës në Suharekë në dy lokacione të ndryshme (oborre) ka hasur në masë drusore ilegale, ku njëherit i është bërë fletparaqitje për gjykatë.

Sipas Komunës së Suharekës aksioni për mbrojtjen e pyjeve do të vazhdoj ku nuk do të ketë asnjë tolerim për dëmtuesit dhe secili rast që hasët do të dërgohet në gjykatë!