Aksident trafiku mes tri automjeteve në Greiqec të Suharekës, lëndohen dy persona

Një aksident trafiku ka ndodhur dje në Greiqec të Suharekës.

Policia e Kosovës në Suharekë ka njoftuar se të hënën rreth orës 08:13 minuta ka ndodhur një akaident trafiku në të cilin janë përfshirë tri automjete, raporton SuharekaOnline.

Policia e Kosovës në Suharekë njofton se i dyshuari derisa ishte duke drejtuar veturën, dyshohet se nga pakujdesia dhe mospërshtatja e shpejtësisë dhe kushteve të rrugës ka shkaktuar aksidentin duke goditur edhe dy vetura të tjera.

Poashtu njoftohet se si pasojë lëndime kanë pësuar dy persona të cilët kanë pranuar tretman mjekësor në Spitalin Rajonal të Prizrenit dhe pastaj janë liruar për në shtëpi.

“Fsh. Greiqec, Suharekë 06.02.2023 – 08:13.  Ka ndodhur një aksident trafiku në të cilin janë përfshirë tri automjete.

I dyshuari mashkull  kosovar derisa ishte duke drejtuar veturën, dyshohet nga pakujdesia, mospërshtatja e shpejtësisë dhe kushteve të rrugës ka shkaktuar aksidentin, duke i goditur edhe dy automjete tjera.

Si pasojë, lëndime kanë pësuar dy persona të cilët pas tretmanit mjekësor në Spitalin Rajonal në Prizren janë liruar.” thuhet në njoftimin e policisë.