Moti sot i vranët e me reshje shiu

Gjatë ditë së sotme në Kosovë do të mbajë mot i vranët dhe reshje shiu.

Instituti Hidrometeorologjik të Kosovës (IHMK) ka njoftuar se temperaturat minimale do të lëvizin ndërmjet 6 dhe 7 gradë Celsius dhe ato maksimalet e ditës do të lëvizin ndërmjet 16-17 gradë Celsius.

“Dita e enjte do të shoqërohet me mot jostabil, i vranët dhe me reshje shiu të intensitetit të dobët deri mesatar. Në fushat termike parashihet të ketë rënie në të dy vlerat ekstreme. Minimalet do të lëvizin ndërmjet 6-7 gradë Celsius, ndërsa maksimalet e ditës parashihen të lëvizin ndërmjet 16-17 gradë Celsius. Do të fryjë erë kryesisht nga veriperëndimi me shpejtësi 1-8 m/s, ndërsa në pjesën veriperëndimore të Dukagjinit shpejtësia e erës mund të arrijë deri 15 m/s”, thuhet në njoftimin e IHMK-së.

Kjo situatë meteorologjik do të ndikoj pozitivisht, si në kushtet agrometeorologjike, po ashtu edhe në ato biometeorologjike.